Չստացված սելֆի և կոտրված լուսարձակ (լուսանկարներ)
04:34 , 4 սեպտեմբեր, 2015Առաջ, երբ չկային սմարթֆոններն ու տարատեսակ գաջեթները, ուղևորները, մեքենայի հետևի նստատեղին նստած, լուռ հետևում էին ճանապարհին։ Իսկ 21-րդ դարում շատ հաճախ վարորդներն անգամ չեն նայում ճանապարհին` տարված լինելով տարատեսակ տեխնիկական սարքերով։
Բայց սա պատահեց ուղևորի, այլ ոչ վարորդի հետ։ Մեքենայի ընթացքի ժամանակ նա հանկարծ որոշեց սելֆի անել ճանապարհի ֆոնին, բայց հեռախոսը ձեռքից թռավ և մխրճվեց հետևից ընթացող մեքենայի լուսարձակի մեջ։ Բարեբախտաբար, մեքենաների արագությունը մեծ չէր, և ամեն ինչ բարեհաջող ավարտ ունեցավ։ Չստացված սելֆիի արդյունքում տուժեց միայն լուսարձակը. հեռախոսը սարքին էր մնացել։
