Պատժամիջոցների պահպանումը կհանգեցնի միջուկային գործարքի կրախին. Ալի Խամենեի
15:24 , 3 սեպտեմբեր, 2015
Իրանական Press TV հեռուստաալիքի փոխանցմամբ՝ Իրանի գերագույն առաջնորդ, այաթոլլահ Ալի Խամենեին հայտարարել է, որ երկրի դեմ սահմանված պատժամիջոցների պահպանումը կհանգեցնի միջուկային գործարքի կրախին, ինչի համար էլ դրանք պետք է վերացվեն ամբողջովին և ոչ թե դադարեցվեն:
«Գործարքը չի իրականացվի, եթե Իրանի դեմ պատժամիջոցները չվերացվեն։ Դրանք պետք է վերացվեն և ոչ թե դադարեցվեն»,- ասել է նա։
Իրանի ու «վեցյակի» միջև միջուկային համաձայնագիրը ստորագրվել է հուլիսի 14-ին Վիեննայում։