Վրաստանում նոր արտգործնախարար է նշանակվել

Lurer.com-ը գրում է.

Վրաստանի վարչապետ Իրակլի Ղարիբաշվիլին նոր արտգործնախարար է նշանակել էկոնոմիկայի նախարար Գեորգի Կվիրիկաշվիլիին, տեղեկացնում է ՌԻԱ «Նովոստին»:

Էկոնոմիկայի նախարարի պաշտոնում նրան կփոխարինի Թբիլիսիի փոխվարչապետ Դմիտրի Կումսիշվիլին:

«Ես ցանկանում եմ ներկայացնել Գեորգի Կվիրիկաշվիլիին` արտգործնախարարի պաշտոնում»,-ճեպազրույցի ժամանակ հայտարարել է Ղարիբաշվիլին:

Նրա խոսքով`  նախարարը պետք է որոշում կայացնի, թե որտեղ պետք է շարունակի աշխատանքը նախկինում Վրաստանի դիվանագիտական կորպուսը ղեկավարած Թամար Բերուչաշվիլին: