Հրաձգության դեպքերն ահաբեկչություններից ավելի վտանգավոր են դառնում. Օբամա
12:10 , 27 օգոստոս, 2015
ԱՄՆ նախագահ Բարաք Օբաման մեկնաբանել է Վիրջինիայում ուղիղ եթերում երկու լրագրողների սպանությունը։ Մահվան ելքով հրաձգության դեպքերն ԱՄՆ-ում ավելի վտանգավոր են դառնում, քան ահաբեկչությունները՝ հայտարարել է երկրի նախագահ Բարաք Օբաման:
«Ամեն անգամ, երբ լսում եմ նման ողբերգությունների մասին, սիրտս կոտրվում է»,- ասել է նա։ «Մենք գիտենք, որ հրաձգության դեպքերի ընթացքում մեր երկրում ավելի շատ մարդ է զոհվում, քան ահաբեկչություններից»,- նշել է ամերիկյան վարչակազմի ղեկավարը։
Չորեքշաբթի Վիրջինիա նահանգում WDBJ7 հեռուստաընկերության նախկին աշխատակից Վեսթեր Լի Ֆլանագանը կրակել էր հեռուստաալիքի օպերատորին և թղթակցին։