Սաուդյան Արաբիայի թագավորը սեպտեմբերի սկզբին ԱՄՆ կայցելի. աղբյուր

Սաուդյան Արաբիայի թագավոր Սալման բեն-Աբդել էլ Սաուդը սեպտեմբերի սկզբին ԱՄՆ կայցելի: Այս մասին հաղորդում է France Press-ը` վկայակոչելով սաուդյան դիվանագիտական աղբյուրին:

Միապետի այցը տեղի կունենա երկու երկրների միջև հարաբերություններում որոշ տարաձայնության ֆոնին Իրանի միջուկային ծրագրի շուրջ համաձայնագրից հետո: Գործակալությունը նշում է, որ մայիսին վերջին պահին միապետը հրաժարվել է ԱՄՆ մեկնել Պարսից ծոցի երկրների գագաթնաժողովին մասնակցելու համար:

Աղբյուրն ասել է, որ Սալման թագավորը ԱՄՆ կժամանի սեպտեմբերի 4-ին և կմասնակցի ամերիկյան-սաուդյան ֆորումին: