Թուրքիայի` մահմեդական հայերով և լազերով բնակեցված Խոպա քաղաքում հեղեղի արդյունքում 8 մարդ է զոհվել

Ներկայիս Թուրքիայի Արդվինի նահանգի Խոպա (թուրք.՝ Հոփա) քաղաքը և շրջակա բնակավայրերը հորդառատ անձրևների, աննախադեպ հեղեղի և սողանքների արդյունքում մատնվել են զգալի ավերածությունների:

Ըստ Արդվինի նահանգապետարանի տարածած պաշտոնական տվյալների՝ աղետի հետևանքով զոհվել է ութ հոգի, մինչդեռ երկու անձ համարվում են անհետ կորած:

Հարկ է նշել, որ սևծովյա առափնյա Խոպա քաղաքը բնակեցնում են գրեթե բացառապես տեղի համշենցի մահմեդական հայերը և լազերը: