Յուվենտուսն առաջին անգամ պարտվել է Իտալիայի առաջնության մեկնարկային տուրում

Tert.am-ը գրում է.

Պարտվելով «Ուդինեզեին» Իտալիայի մեկնարկած առաջնության առաջին տուրում՝ Թուրինի «Յուվենտուսը» դարձել է առաջին գործող չեմպիոնը 1991 թվականից, որը մրցաշրջանը սկսել է պարտությամբ։ Այդ մասին տեղեկացնում է «Football Italia»-ն։

Այն ժամանակ «Սամպդորիան» 2։3 հաշվով պարտվել էր «Կալյարիին»։ Դրանից հետո չեմպիոնը 13. անգամ հաղթել էր մեկնարկային տուրում եւ 9 անգամ ոչ-ոքի խաղացել։

Բացի այդ, «Յուվենտուսը» երբեք չէր պարտվել առաջին տուրում, եթե այն անցկացվում էր Թուրինում։