Բեյրութում անկարգությունների հետևանքով զոհվել է 1, վիրավորվել 200-ից ավելի մարդ
09:00 , 24 օգոստոս, 2015
Բեյրութի կենտրոնում ոստիկանության և ցուցարարների բախումների ժամանակ զոհվել է 1 ակտիվիստ։ Այս մասին հայտնում է լիբանանյան MTV հեռուստաալիքը։
Լիբանանյան Կարմիր խաչը դաշտային հիվանդանոց է բացել։ Այն օգնություն է ցուցաբերել ավելի քան 200 մարդու, 40-ից ավելին հոսպիտալացվել են։
Ցուցարարները պահանջում են կառավարության, հատկապես ՆԳ և բնապահպանության նախարարների հրաժարականը՝ կապված ստեղծված ճգնաժամի հետ, որի հիմքում ընկած են աղբահանության և ուտիլիզացման հարցերը։