Այս տարվա հուլիսն ամենատաքն էր 1880 թվականից հետո

Replik.am-ը գրում է.

2015 թվականի հուլիսը դարձավ Երկիր մոլորակի համար ամենատաքը 1880 թվականից հետո: Ամերիկյան համապատասխան ծառայությունների տեղեկություններով, հուլիսի միջին ջերմաստիճանն աշխարհում եղել է 16,6, ինչը 0,08 աստիճանով գերազանցում է նախորդ ռեկորդը, որը գրանցվել էր 1998 թվականին:

Նշվում է, որ 2015 թվականն ամենայն հավանականությամբ լինելու է ամենատաքը պատմության մեջ: Մասնագետների խոսքերով, ջերմաստիճանային ռեկորդների վրա ազդում են Երկիր մոլորակի կլիմայական փոփոխությունները և Էլ Նինյո ֆենոմեն: