Հարավային Օսիայում բացվել է Աբխազիայի դեսպանատունը

Tert.am-ը գրում է.

Հարավային Օսիայի մայրաքաղաք Ցխինվալում բացվել է Աբխազիայի դեսպանատուն:

Interfax-ը հայտնում է, որ դեսպանատան բացման արարողությանը մասնակցել է Հարավային Օսիայի չճանաչված հանրապետության արտգործնախարարի գլխավորած պատվիրակությունը:

Հարավային Օսիայի նախագահ Լեոնիդ Տիբիլովը արարողության ժամանակ այս առիթով շնորհավորել է երկու ժողովուրդներին` ընդգծելով, որ հարավօսական-աբխազական փոխհարաբերությունները շարունակելու են ամրապնդվել ու զարգանալ: Իսկ աբխազական կողմն ընդգծել է, որ մեծ աշխատանք է սպասվում Աբխազիայի և Հարավային Օսիայի ԱԳՆ-ների միջև:

Ավելի վաղ հայտնի էր դարձել, որ նախկինում Վրաստանի մաս կազմած այս ինքնավարությունները առանց վիզայի այցելությունների մասին համաձայնություն են ստորագրել: