Բարսելոնայի պաշտպան Ժերար Պիկեն հնարավոր է որակազրկվի 4-ից 12 խաղով

Tert.am–ը գրում է. 

«Բարսելոնայի» պաշտպան Ժերար Պիկեին սպառնում է 4-ից 12 խաղի որակազրկում:

Պատճառն այն է, որ Իսպանիայի սուպերգավաթի «Ատլետիկի» դեմ խաղի 55-րդ րոպեին իսպանացին բղավել էր եզրային մրցավարի վրա՝ պահանջելով մրցակցի ֆուտբոլիստի խաղից դուրս վիճակ: Դրանից անմիջապես հետո Պիկեն կարմիր քարտի է արժանացել

Ըստ «Eurosport»-ի՝ Իսպանիայի ֆուտբոլի ֆեդերացիան նման արարքի համար ունի սահմանած տույժ և ֆուտբոլիստին սպառնում է նվազագույնը 4-ից առավելագույնը 12 խաղ որակազրկում:

Նշենք, որ Պրիմերայի առաջին 4 տուրերում «Բարսելոնան» մրցելու է «Ատլետիկի», «Մալագայի», «Ատլետիկոյի» և «Լևանտեի» հետ: