Քեյթ Միդլթոնը պատրաստվում է երրորդ անգամ մայրանալ
19:00 , 10 օգոստոս, 2015
7days.ru-ի փոխանցմամբ՝ Քեյթ Միդլթոնը պատրաստվում է երրորդ անգամ մայրանալ։ Վերջին շրջանում փոքր-ինչ լարվել են ամուսիններ արքայազն Ուիլյամի ու Քեյթ Միդլթոնի և թագուհի Եղիսաբեթ 2-րդի հարաբերությունները։ Բանն այն է, որ Շարլոտայի ծնվելուց հետո Քեյթը սկսել է ավելի հազվադեպ հայտնվել պաշտոնական միջոցառումներին։
Շարլոտան ծնվել է այս տարվա մայիսի սկզբին, և Քեյթն ունի արդարացում, որպես թագավորական ընտանիքի անդամ, իր պարտականությունների կատարման գրաֆիկը թեթևացնելու համար։ Փոխարենը նա ժամանակ է գտել Բրեդ Փիթի ու Անջելինա Ջոլիի հետ թեյ խմելու, երբ նրանք գտնվել են Լոնդոնում։
Քեյթը նույնպես դժգոհ է իր վիճակից։ Երրորդ երեխային ունենալու շնորհիվ նրան երկար ժամանակ հանգիստ կթողնեն։