Ինչո՞ւ եք բոլորդ ձգտում դեպի բարձրագույն կրթություն, երբ մենք միջին մասնագիտական կրթություն ունեցողների կարիք ունենք

Հարգելի ՀՀ քաղաքացիներ, ինչի՞ ենք բոլորս ձգտում բարձրագույն կրթության դիպլոմ ունենալ կամ ձերք բերել տարբեր միջոցներով, երբ մեր երկիրը ունի տարբեր տեսակի միջին մասնագիտական կրթություն ունեցող մարդկանց՝ արհեստավորների կարիք: Բարձրագույն կրթություն ստացած շատ երիտասարդներ կան, որ հիմա չեն զբաղվում իրենց մասնագիտությամբ, իսկ որոշները դա ձերք են բերել տարբեր տեսակի միջոցներով՝ իրենց էլիտար հռչակելու նպատակով: Շատերի համար դա դառնում է «օժիտ», իսկ մեզ մոտ միջին մասնագիտական կրթական հաստատությունները ուսանողների կարիք ունեն, մինչդեռ այնտեղ դիմողների քանակը խիստ սահմանափակ է, ցավոք սրտի: Մեր իրականության մեջ կան շատ քիչ մարդիկ, որոնք որ չունեն բարձրագույն կրթություն, բայց ունեն ճիշտ մասնագիտություն և ավելի շատ բան են անում մեր երկրի համար, քան իրենց էլիտար հռչակած շատ-շատերը, և պետք է հենց այդ մասնագիտությունները սատարվեն մեր լրատվամիջոցների կողմից, որպեսզի մեր հասարակության մեջ ամրապնդվի, որ անպայման չի բարձրագույն դիպլոմ ունենալ սեփական ես-ը գտնելու համար հասարակության մեջ: Շնորհակալություն: