Ճնշումս 180-120 է, ինսուլտային վիճակ է, ի վիճակի չեմ համերգ տալու. Ռուբեն Հախվերդյան
23:39 , 3 հուլիս, 2015
Երգահան Ռուբեն Հախվերդյանը քիչ առաջ զրույցում հայտնեց, որ Բաղրամյան պողոտայում վաղվա սպասվող համերգը չեղյալ է հայտարարում: Հախվերդյանը վստահեցրեց, որ առողջական վիճակը վատացել է և ի վիճակի չէ երգելու, թեև ինքն էր նախապես խոստացել, որ հաջակցություն ցուցարարների համերգ է տալու:
«180-120-ի վրա է ճնշումս, վատ եմ, էդ արդեն ինսուլտային վիճակ է, էլի, ավելի լավ ա չտամ, քան խայտառակ վիճակում լինեմ, բիձցել եմ, չեմ կարում, այ մարդ, սառույցս դրել եմ վզիս տակ, որ ճնշումս իջնի»,- ասաց Ռուբեն Հախվերդյանը:
Հիշեցնենք, որ Ռուբեն Հախվերդյանը խոստացել էր շաբաթ երեկոյան Բաղրամյան պողոտայում համերգ տալ՝ ցուցարարներին աջակցելու նպատակով: Համերգին սրտատրոփ շատերն էին սպասում, նաև այն քաղաքացիները, ովքեր չէին մասնակցում Բաղրամյան պողոտայի ցույցերին: