Նոր միջադեպ Թբիլիսիում. առյուծի հարձակումից մարդ է զոհվել


13:34 , 17 հունիս, 2015

Թբիլիսիում տեղի ունեցած ջրհեղեղի հետևանքով ազատության մեջ հայտնված գազաններից մեկն այսօր հարձակվել է Թբիլիսիի բնակիչի վրա: Ինչպես հաղորդել են վրացական ԶԼՄ-ները, տվյալ անձը մահացել է: Պահեստներից մեկում թաքնված առյուծը, տեսնելով ներս մտնող մարդուն, հարձակվել է վերջինիս վրա:

Ականատեսների ներկայացմամբ՝ գիշատիչը դեռ չի վնասազերծվել և լուրջ վտանգ է ներկայացնում:

Երեկ իշխանությունները հայտարարել էին, որ բոլոր կենդանիները վնասազերծված են, և անվտանգությունը երաշխավորված է: Այնինչ, անմեղ մարդ է զոհվել: