«Թբիլիսի ծովի ափին կկառուցվի նոր կենդանաբանական այգի», - այդ մասին հայտարարել է Թբիլիսիի քաղաքապետ Դավիթ Նարմանիան: Վերջինիս խոսքով՝ նախկին տարածքն ավերվել է, վնասվել են ենթակառուցվածքները, խախտվել է էկոլոգիական հավասարակշռությունը: Ուստի պատասխանատուները նախատեսում են կենդանաբանական այգին տեղափոխել այլ վայր:
Նոր համալիրը կկառուցվի հիմքից, և կներդրվեն նորագույն տեխնոլոգիաներ, կկիրառվեն ժամանակակից մոտեցումներ:
Թե երբ կկառուցվի նոր այգին, դեռ չի նշվում: