Հնդկաստանում շոգից ճանապարհները հալվում են. կա 1100 զոհ
16:00 , 28 մայիս, 2015Վերջին ամսվա ընթացքում Հնդկաստանում անոմալ եղանակային պայմանների պատճառով ավելի քան 1100 մարդ է զոհվել։ Լուսանկարներ են հայտնվել համացանցում, որոնք ցույց են տալիս, թե ինչպես են շոգից հալվում նույնիսկ ճանապարհները։ Երկրի հարավարևելյան Անդհրա Պրադեշ և Տելեգանա նահանգներում ջերմաստիճանը վերջին երկու օրերին 45 ℃-ի է հասել, այս մասին հայտնել է «Associated Press»-ը։ Շոգի պատճառներով ավելի քան 1100 զոհերից 852-ը Անդհրա Պրադեշ նահանգում է գրանցվել։
Նյու Դելիի փողոցի հալված ասֆալտը, մայիսի 27, 2015թ.
Նյու Դելիի փողոցի ասֆալտի վրայի սպիտակ գծերը դեֆորմացվել են բարձր ջերմաստիճանի հետևանքով, մայիսի 27, 2015թ․
Տղամարդը սառույց է տեղափոխում Ամրիցարի սառույցի գործարանից, մայիսի 27, 2015թ․
Մասնագետները կանխատեսում են, որ այս ամառ Ասիայի տարածքում ապրող միլիարդավոր բնակիչներ կարող են տուժել երաշտից ու թայֆունային ակտիվ սեզոնից։ Մարդկանց կոչ է արվում շատ ջուր օգտագործել և օրվա ամենաշոգ ժամերին դուրս չգալ շինություններից։
30-ամյա Սունիլը բժշկական օգնություն է ստանում Բօպալ Մադյա Պրադեշ բնակավայրի Ջայ Պրակաշ Նարայան հիվանդանոցում արևային հարված և ջրազրկում ստանալուց հետո, մայիսի 27, 2015թ․