Ուզբեկստանի նախագահը հրաժարվել է մասնակցել Մոսկվայում Մայիսի 9-ի շքերթին. ԶԼՄ-ներ

Tert.am-ը գրում է.

Ուզբեկստանի նախագահ Իսլամ Քարիմովը հրաժարվել է մասնակցել մայիսի 9-ին Մոսկվայում անցկացվելիք Հաղթանակի 70-ամյակին նվիրված տոնական միջոցառումներին, նշում է «Նոր դար» թերթը՝ հղում անելով նախագահի մամուլի ծառայության անանուն ներկայացուցչին։

Ինչպես փոխանցում է Лента-ն՝ պաշտոնյան նշել է, որ Ուզբեկստանում լայնորեն կտոնեն այդ իրադարձությունը, կանցկացվեն մի շարք միջոցառումներ։

«Պետության ղեկավարն ամենաակտիվ մասնակցությունը կունենա այդ միջոցառումներին»,- նշել է զրուցակիցը։

Ընդ որում՝ պաշտոնական մեկնաբանություններ Քարիմովի՝ Ռուսաստանի մայրաքաղաքում անցկացվելիք տոնակատարություններին մասնակցության մասին դեռ չկան։