Ադրբեջանական միրգ- բանջարեղենի մուտքը Ռուսաստան կհեշտացվի

Tert.am–ը գրում է.

Ռուսաստանն ու Ադրբեջանը բանակցություններ կսկսեն մրգի ու բանջարեղենի համար միևնույն մաքսային վերահսկումը սահմանելու համար: Այս մասին հայտնում է «Ռոսսիյսկայա գազետան»: Համապատասխան հրահանգ է տվել Դմիտրի Մեդվեդևը:

Համաձայնության գալու դեպքում ձեռնարկատերերի ծախսերը կրկնակի կնվազեն, երկկողմ առևտուրը կաշխուժանա: Անհրաժեշտ փաստաթղթային - իրավական հիմքերը, որ նախատեսվում է ստեղծել, կարագացնեն տեղափոխության ընթացքում անհրաժեշտ մաքսային գործողությունները:

Մրգից ու բանջարեղենից բացի դա կհեշտացնի նաև ադրբեջանական ծառերի, բույսերի, ծաղիկների, կանաչիների, ընկույզների մուտքը Ռուսաստան: