Հարսը մետաղյա ձողով ծեծել է սկեսրայրին
15:05 , 5 մայիս, 2015
Pastinfo.am-ը գրում է.
Քաջարանի բնակիչ 23-ամյա Նուշիկին մեղադրանք է առաջադրվել՝ սկեսրային մետաղյա ձողով ծեծելու համար:
Ըստ մեղադրանքի՝ Նուշիկը 28.03.2015թ. ժամը 12:00-ի սահմաններում կենցաղային շարժառիթով` ընտանեկան հարցերի շուրջ ծագած վիճաբանության ժամանակ, երկու անգամ մետաղյա ձողով հարվածել է սկեսրայրի գլխի գագաթային շրջանին, որի հետևանքով վերջինս մոտ առաջացրել են սալջարդ վնասվածքներ` նրա առողջությանը պատճառելով թեթև վնաս` կարճատև քայքայումով:
Նուշիկին մեղադրանք է առաջադրվել ՀՀ քրեական օրենսգրքի 117-րդ հոդվածով: Նրա նկատմամբ որպես խափանման միջոց է ընտրվել չհեռանալու մասին ստորագրությունը:
Երկաթյա ձողն էլ որպես իրեղեն ապացույց է ճանաչվել ու կցվել գործին: