Ford-ը հետ է կանչում մոտ 400 հազար մեքենա՝ դռան կողպեքի անսարքության պատճառով
10:30 , 25 ապրիլ, 2015
1in.am-ը գրում է.
Ամերիկյան ավտոարտադրող Ford Motor-ը հայտարարել է ԱՄՆ-ում 390 հազար ավտոմեքենայի հետկանչի մասին՝ դռան կողպեքի մեխանիզմի աշխատանքում թերություն ի հայտ բերելուց հետո։ Այս մասին հայտնում է Associated Press-ը։
Հետկանչը տարածվում է Ford Fiesta, Ford Fusion և Lincoln MKZ մոդելների վրա, որոնք արտադրվել են Մեխիկոյում 2012-14թթ։
Ընկերությունում հայտարարել են, որ թերության հետևանքով այդ մոդելների դռները կարող են ընթացքի ժամանակ բացվել։
Ավտոարտադրողի տվյալներով՝ թերության հետևանքով արդեն 2 մարդ վնասվածք է ստացել։