Թուրքիան ԱԳՆ է կանչել Վատիկանի դեսպանին

Armenpress.am-ը գրում է.

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Թուրքիայի ԱԳՆ­ը արտգործնախարարություն է հրավիրել Վատիկանի դեսպանին՝ Հռոմի Ֆրանցիսկոս պապի՝ Հայոց ցեղասպանության մասին հայտարարությունից հետո: Ինչպես փոխանցում է «Արմենպրես»­ը, այս մասին տեղեկացնում է Reuters գործակալությունը: Վատիկանի Սուրբ Պետրոսի տաճարում Հայոց ցեղասպանության 100­րդ տարելիցին նվիրված պատարագի իր քարոզում Հռոմի Ֆանցիսկոս պապն արտասանեց «Ցեղասպանություն» բառը՝ Հայոց Մեծ եղեռնը համարելով 20­րդ դարի առաջին ցեղասպանություն: Նա խոսեց նաեւ դրանից հետո տեղ գտած այլ ցեղասպանությունների մասին՝ հիշատակելով Ռուանդան: Հռոմի պապը ողջունեց պատարագին ներկա ՀՀ Նախագահ Սերժ Սարգսյանին, Ամենայն Հայոց Գարեգին Բ կաթողիոսին։