Գիտնականները կազմել են ամենագեղեցիկ դեմքերի վարկանշային աղյուսակը
16:08 , 11 ապրիլ, 2015
1in.am-ը գրում է.
Քնեթի համալսարանի գիտնական Քրիստոֆեր Սոլոմոնը կազմել է հայտնիների ամենագեղեցիկ դեմքերի վարկանշային աղյուսակը, գրում է Mignews-ը:
Փորձագետն ուսումնասիրություն է կատարել, որը կենտրոնացած է եղել ամենահամաչափ դեմքերի վրա: Այդ նպատակով նրանք 100 թեկնածու են ընտրել՝ նրանց համեմատելով անթերի նախատիպերի՝ տղամարդկանց և կանանց դիմանկարների հետ, որոնք կազմվել են համակարգչային ծրագրերի օգնությամբ:
Երբ անթերի դիմանկարները կազմվել են, փորձագետը դրանք համեմատել է հայտնիների դեմքերի հետ:
Արդյունքում Նատալի Փորթմանի դեմքը կանանց վարկանշային աղյուսակում ամենամոտն է եղել անթերի դիմագծերին, իսկ տղամարդկանց շրջանում հաղթող է ճանաչվել Դևիդ Գանդին:
Գեղեցիկ դեմք ունեցողների մեջ են եղել նաև Սքարլեթ Յոհանսոնը, Թեյլոր Սվիֆթը, Քենդալ Ջեները և Կիրա Նայթլին: Անջելինա Ջոլիին բաժին է հասել յոթերորդ տեղը:
Տղամարդկանց առաջին հնգյակում տեղ են զբաղեցրել Քրիս Հեմսվորթը, Բրեդլի Կուպերը, Դևիդ Բեքհեմը և Ռոբերտ Պատինսոնը: