Կալանավորված ՀԽ անդամները տեղափոխվել են քրեակատարողական հիմնարկներ

Tert.am-ը գրում է.

Հիմնադիր խորհրդարանի համակարգող Ժիրայր Սեֆիլյանին, անդամներ Վարուժան Ավետիսյանին և Պավել Մանուկյանին տեղափոխել են Վարդաշեն քրեակատարողական հիմնարկ, իսկ Գարեգին Չուգասզյանին և Գևորգ Սաֆարյանին՝ Նուբարաշեն քրեակատարողական հիմնարկ:

Այս մասին հայտնում են Հիմնադիր խորհրդարանի քարտուղարությունից։

Հիշեցնենք, որ ավելի վաղ դատարանը բավարարել է Հայաստանի քննչական կոմիտեի քննիչի միջնորդությունը և որպես խափանման միջոց ընտրել կալանքը՝ Հիմնադիր խորհրդարանի ձերբակալված անդամներից հինգի՝ Ժիրայր Սեֆիլյանի, Գարեգին Չուգասզյանի, Վարուժան Ավետիսյանի, Պավել Մանուկյանի և Գևորգ Սաֆարյանի նկատմամբ։

Հիշեցնենք նաև, որ նրանց մեղադրանք է առաջադրվել զանգվածային անկարգություններ նախապատրաստելու համար։