Արաբական երկրների կոալիցիան հարվածել է Եմենի հեռուստաաշտարակներին. աղբյուր

1in.am-ը գրում  է.

Արաբական երկրների կոլաիցիայի ինքնաթիռները Սաուդյան Արաբիայի գլխավորությամբ, մի շարք հարվածներ են հասցրել Եմենի տարածքում գտնվող հեռահաղորդակցական օբյեկտներին: Այս մասին հաղորդում է Sputnik-ը` վկայակոչելով երկրի տրանսպորտի նախարարությունում գտնվող աղբյուրին:

Նշվում է, որ «Վճռականության փոթորիկ» անվանումը ստացած օպերացիայի 14-րդ օրն օդուժի հարձակման թիրախ են դարձել Սաադի, Ամրանի, ինչպես նաև մայրաքաղաք Սանայի հեռուստաաշտարակները:

Հստակեցվում է, որ ռազմական օպերացիան հանգեցրել է համացանցի անջատվելուն, և ամբողջ երկրում հեռախոսակապի աշխատանքների լուրջ խափանումների:

Ապստամբների և խաղաղ բնակիչների շրջանում զոհերի մասին տվյալներ չկան: