2 կորուստ՝ ադրբեջանական բանակում. Զինվորները մահացել են՝ «ընկնելով ձնափոսը»
17:26 , 9 ապրիլ, 2015
Aysor.am-ը գրում է.
Այսօր ադրբեջանական լրատվամիջոցները տեղեկություններ են տարածել զինված ուժերում երկու զոհի և վիրավորների մասին: Ընդ որում ուշագրավ է ադրբեջանցի զինծառայողների մահվան պատճառը:
Նշվում է, որ ավագ լեյտենանտ Անար Կերիմովը և պայմանագրային զինծառայող Մեհտի Զեյնալովը մահացել են «ընկնելով ձնափոսի մեջ»: Ընդ որում, ավագ լեյտենանտի մարմինը դեռևս չի հայտնաբերվել: Միջադեպն, ըստ լրատվամիջոցների, եղել է Նախիջևանում:
Ինչ վերաբերում է վիրավորներին, ապա նրանք «վիրավորվել են հայկական կողմի կրակից» ու տեղափոխվել զինհոսպիտալ: