Երևանի Սեբաստիայի փողոցում գտնվող ավտոտնակում տեղի է ունեցել պայթյուն

Tert.am-ը գրում է.

Ապրիլի 8-ին` ժամը 16.45-ին, տեղեկատվություն է ստացվել, որ Երևանի Սեբաստիայի փողոցի թիվ 3ա շենքի մոտակայքում գտնվող ավտոտնակում տեղի է ունեցել պայթյուն, կա տուժած. անհրաժեշտ է փրկարարների օգնությունը:

Ինչպես հայտնում են ՀՀ տարածքային կառավարման և արտակարգ իրավիճակների նախարարությունից՝ դեպքի վայր է մեկնել մեկ մարտական հաշվարկ:

Պարզվել է, որ «Անի-պայծառ» ՍՊԸ-ին պատկանող  փրփրապլաստի արտադրամասի վառարանում տեղի է ունեցել պայթյուն. վնասվել է արտաքին պատը՝ 2 քմ:

Մինչ հրշեջ-փրկարարների կանչի վայր հասնելը արտադրամասի աշխատակից Դ. Ա.-ը (ծնվ.1996թ.) տարբեր աստիճանի այրվածքներով հոսպիտալացվել է «Արմենիա» ԲԿ:
Կտրվի լրացուցիչ տեղեկություն: