Սիրիայի կառավարության և ընդդիմության ներկայացուցիչները չորեքշաբթի կհանդիպեն Մոսկվայում

Tert.am–ը գրում է.

Դամասկոսի կառավարական պատվիրակությունը չորեքշաբթի Մոսկվայում կհանդիպի ընդդիմության ներկայացուցիչների հետ` միջսիրիական խորհրդակցությունների շրջանակում:  INTERFAX.RU-ի փոխանցմամբ` այս մասին հայտնել է  ՌԴ-ում Սիրիայի դեսպան Ռիյադ Հադդադը:

«Մեր պատվիրակությունը խորհրդակցություններին կմիանա ավելի ուշ, դա տեղի կունենա չորեքշաբթի», - գործակալությանն ասել է դեսպանը:

Ինչպես վերջինս հայտնել էր ավելի վաղ` Սիրիայի կառավարական պատվիրակությունը ընդդիմության հետ խորհրդակցություններում կգլխավորի ՄԱԿ-ում Սիրիայի մշտական ներկայացուցիչ Բաշար ալ-Ջաաֆարին: