Աշխարհը գոհ է Ուկրաինայում ընթացող բարեփոխումներից. Յացենյուկ

Tert.am-ը գրում է.

Եթե աշխարհը գոհ չլիներ Ուկրաինայում տեղի ունեցող բարեփոխումներից, ապա կառավարությունն Արժույթի միջազգային հիմնադրամից ֆինանսական օգնություն չէր ստանա։ Այս մասին ասել է երկրի վարչապետ Արսենի Յացենյուկը 1 + 1, փոխանցում է Корреспондент-ը։

«Եթե Ուկրաինայում բարեփոխումների տեմպը, արագությունը կամ ուղղությունը չհամապատասխանեին աշխարհի սպասումներին, մեզ ոչ ոք 25 մլրդ դոլար չէր տա։ Մեզ ոչ ոք նույնիսկ 25 դոլար չէր տա»,- ասել է Յացենյուկը։

Նրա խոսքով՝ ինքը հաճելիորեն զարմացած է եղել Գերմանիայի կանցլեր Անգելա Մերկելի հայտարարությունից, ով հրապարակայնորեն հայտարարել է, որ բարեփոխումներն Ուկրաինայում ընթանում են ճիշտ ուղղությամբ։ Նման հայտարարություն նախորդ շաբաթ արել է նաև Եվրահանձնաժողովը։

Սակայն Յացենյուկը զգուշացրել է, որ ԵՄ որոշ երկրներ միայն սպասում են նրան, որ Ուկրաինան որևէ սխալ թույլ տա։