Հայոց ցեղասպանության 100-րդ տարելիցին նվիրված ցուցահանդես` Ռոսարիոյի Հիշատակության թանգարանում

Tert.am-ը գրում է.

Արգենտինայում Ռոսարիոյի Ազգային համալսարանը սոցիալական հարցերի նախարարության և համալսարանի Հայաստանի ամբիոնի հետ համատեղ Հայոց ցեղասպանության 100-րդ տարելիցի ոգեկոչմանը նվիրված միջոցառում են կազմակերպում:

Առաջիկա միջոցառմանը, որը տեղի կունենա Ռոսարիոյի Հիշատակության թանգարանում` ապրիլի 24-ին, կամփոփվեն Հայոց ցեղասպանության ճանաչման շուրջ իրազեկման արշավին նվիրված ծրագրերը: 
Միջոցառման  բացմանը կհաջորդի լուսանկարչության ցուցադրությունը` «Անօտարելի  ճանապարհ դեպի Հայոց ցեղասպանության 100-րդ տարելիցը» խորագրով:

Եվ  միջոցառման փակման ժամանակ ելույթ կունենան հայկական ծագումով արգենտինացիներ Ալինը և Թալինը, ովքեր երաժշտության օգնությամբ փորձում են կենդանի պահել իրենց արմատները: