17 փաստ անցյալից, որոնցից հետո կդադարես կարծել, թե սարսափելի ժամանակներում ես ապրում

Տարիների ընթացքում անցկացված տարբեր հետազոտություններ ցույց են տվել, որ երբ մարդկանց հարցնում ես մարդկային քաղաքակրթության երջանիկ ու բարգավաճ ժամանակաշրջանի մասին, միանգամից պատմական հին ժամանակաշրջանի մասին են նշում՝ միաժամանակ նշելով իրենց ապրած ժամանակաշրջանի թերությունների մասին։ Ինչևէ, ապացուցված է, որ չկա պատմական որևէ ժամանակաշրջան, որը կարող է «կատարյալ» համարվել, և որ մարդկության բոլոր հասարակություններն էլ թերություններ են ունեցել։ Այնպես որ, երբ հաջորդ անգամ տատիկն ասի, թե աշխարհը բարոյազուրկ, դաժան ու տարօրինակ է դարձել, ցույց տուր նրան այս փաստերը....

 17  Այնպիսի վայրերում, ինչպիսին Հունաստանն ու Հռոմն էին, տեղի օրենքները խախտելու դեպքում ստիպված կլինեիր լքել տունդ ու մեկ այլ բնակավայր տեղափոխվել՝ ընտանիքից ու ընկերներից հեռու, երբեմն մշտապես, երբեմն էլ որոշակի ժամանակով։

 16  Եթե դժբախտաբար ծնված լինեիր 2000 տարի առաջ ինչ-որ տեղ Ասիայում, դու սարսափահար կլինեիր «բաստինանդո» բառը լսելիս։ Կհարցնես, իսկ ի՞նչ է «բաստինանդոն»։ Այսպես էին անվանում ոտքերի ներբաններին փայտով խփելով մարդկանց պատժելը։ Ոտքերի ներբանների հատվածը չափազանց զգայուն է, այդ իսկ պատճառով այն չափազանց ցավոտ պատիժ էր օրինախախտների համար։

 15  Միջնադարյան Եվրոպայում գլխատելը չափազանց տարածված պատժամիջոց էր։ Եվ չնայած երբեմն գլխատելն ավելի գթառատ պատիժ էր կախաղանի համեմատությամբ, միշտ չէ, որ դա այդպես էր։ Երբեմն մարդու գլուխն ամբողջապես կտրելու համար մի քանի փորձ էր անհրաժեշտ,  ինչի արդյունքում մահապատիժը ծանր ու ցավոտ էր լինում։

 14  Ցախով հետույքին հարվածելով ծեծելը տարածված պատժամիջոց էր բրիտանական դպրոցներում և դատարանների կողմից որպես պատիժ էր նշանակվում փոքր հանցանքների համար։ Օրինական դաշտում ցախով հարվածելու պատիժը դադարեցվեց Բրիտանիայում 1948թ-ին։

 13  Միջնադարյան Անգլիայում եթե հանցագործը թունավորելով սպանում էր ինչ-որ մեկին, ապա նրան ողջ-ողջ եռացնում էին։ 1532թ-ին Ռիչարդ Ռոս անունով խոհարարին ողջ-ողջ եռացրեցին, այնուհետև դրանից 10 տարի անց եռացրեցին Մարգարեթ Դևի անունով մի կնոջ։

 12  Բրիտանիայում տարածված պատժամիջոց էր մարդկանց կարմրած տաք երկաթով  դրոշմելը։

 11  Չնայած ոչ ոք չի կարող բացատրել պատճառը, սակայն հին Հռոմում ատամները լվանալու և հագուստը մաքրելու համար մարդիկ մեզ էին օգտագործում։

 10  Եթե կատուներ եք սիրում, ապա 17-րդ դարում Ֆրանսիայում ծնվելն այնքան էլ լավ չէր լինի ձեզ համար։ Բանն այն է, որ Ֆրանսիայում այն ժամանակ մարդիկ կարծում էին, որ կատուներով լի պարկն այրելը կարող էր հաջողություն բերել։ Իսկ երբ նրանք բավականաչափ կատուներ չէին գտնում, փոխարենը մի քանի աղվես էին ավելացնում։

 9  Երկրորդ աշխարհամարտի ժամանակ ճապոնացիներին ստորացնելն ու անդամահատելն այնքան տարածված էր, որ ամերիկացի ռազմածովայինները նույնիսկ ճապոնական զինվորների մարմնի մասերը պահում էին որպես հուշանվերներ։ Ամենասարսափելին այն է, որ մարդիկ սկսեցին մտածել այնպես, ինչպես դու՝ հիմա, միայն դրանից 70 տարի հետո։

 8  Եթե 970-1050-ականներին ծագումով բուլղարացի լինեիր ու ապրեիր Բյուզանդական կայսրության տարածքում, ապա դա քեզ ամենևին դուր չէր գա։ Բյուզանդիայի կայսր Բասիկն ատում էր բուլղարացիներին այնքան, որ երբ ճակատամարտի ժամանակ 15 հազար բուլղարացի գերեվարվեց, կայսրն ամեն 100-ից 99-ին կուրացրեց, իսկ հարյուրերորդի մի աչքը հանելով՝ հետ ուղարկեց տուն։

 7  Հին Հռոմում պեդոֆիլ լինելն ընդունված երևույթ էր։

 6  Եղիզաբեթ թագուհու օրոք (1558-1603թթ) արիստոկրատիայի շատ ներկայացուցիչներ փորձում էին իրենց ատամները սևացնել՝ նմանվելու համար Եղիզաբեթ առաջին թագուհուն, ով այնքան շատ էր սիրում շաքար, որ նրա ատամները փտել ու սևացել էին այն չափից շատ օգտագործելու պատճառով։

 5  Սոնգ դինաստիայի օրոք բարբարոսական սովորույթ կար՝ երիտասարդ աղջիկների ոտքերը կապել այնպես, որ դադարեցվեր ոտքերի աճը։ Ի սկզբանե, այն ծագել է բարձր դասի պալատական պարուհիների համար մոտավորապես 10-րդ կամ 11-րդ դարում, սակայն Սոնգ դինաստիայի կառավարման ժամանակաշրջանում այն ընդունված երևույթ դարձավ նաև ցածր խավի համար։

 4  Այրելը մարդկանց սպանելու ամենահին մեթոդներց մեկն է։ 1401թ-ին Անգլիայում այրելով պատժում էին հերետիկոսներին։ 16-րդ դարում երեք հարյուրից ավելի բողոքականներ այրվեցին Անգլիայում, այդ նույն ժամանակաշրջանում Շոտլանդիայում ու Եվրոպայի այլ հատվածներում կրակի էին մատնում «կախարդներին»։ 18-րդ դարում Բրիտանիայում ամուսնու սպանության մեջ մեղադրվող կանանց այրում էին խարույկի մեջ։

 3  Ացտեկներն օգտագործում էին կակտուսի փշերը՝ չարաճճի երեխաներին պատժելու համար՝ դրանք նրանց մաշկի մեջ խրելով։

 2  Երբեմն էլ չարաճճի երեխաներին պատժելու համար ացտեկները նրանց ստիպում էին իրենց գլուխներն իջեցնել այրվող չիլի բիբարի կրակին մոտ ու շնչել ծուխը։

 1  Սպարտացի բոլոր տղա նորածինները հետազոտվում էին, և եթե նրանց մոտ ֆիզիկական արատ էր հայտնաբերվում, սպարտացի երեխան անպիտան էր համարվում որպես ապագա զինվոր ու լքվում ինչ-որ տեղ, որտեղ նա կամ մահանում էր, կամ էլ որդեգրվում օտարականների կողմից։