Ֆրանսիայի ԱԳ նախարարը կվերադառնա Լոզան միանալու միջուկային բանակցություններին

Araratnews.am-ը գրում է․

Ֆրանսիայի արտաքին գործերի նախարար Լորան Ֆաբիուսը կվերադառնա շվեյցարական Լոզան` միանալու Իրանի և «վեցնյակի»` միջուկային ծրագրի շուրջ այստեղ ընթացող բանակցություններին: Այս մասին տեղեկացնում է France Presse-ը:

Ավելի վաղ տեղեկություններ էին տարածվել այն մասին, որ ԱՄՆ պետքարտուղար Ջոն Քերին իր հերթին չի լքի Լոզանը առնվազն մինչև հինգշաբթի:

Նշենք, որ քիչ առաջ Իրանի արտգործնախարար Զարիֆը հայտարարել էր, որ բանակցություններն ավարտելու գրաֆիկ սահմանված չէ:

Հիշեցնենք, որ Լոզանը լքել էին Չինաստանի, Ֆրանսիայի և Ռուսաստանի արտգործնախարարները: