Մարդկային 7 ամենաահավոր հիվանդությունները

1. Դեմք չունեցող մարդը

58-ամյա պորտուգալացի Խոսե Մեստրեն հայտնի է նրանով, որ դեմք չունի. դրա փոխարեն նա ունի գոճիի չափ ուռուցք՝ մոտ 40 սմ² և 5 կգ քաշով։

Սկզբում Խոսեի դեմքը բոլոր մարդկանց նման նորմալ էր։ Միակ տարբերությունը փոքրիկ ուռուցքն էր, որով նա ծնվել էր։ Այն բարորակ հեմանգիոմա էր. այն հիմնականում արագ տարածվում է և, որպես կանոն, արագ էլ անհետանում է։ Բայց Խոսեի դեպքում այն սկսեց մեծանալ. բժիշկներն այն երակային պաթոլոգիա անվանեցին։ Հիվանդության ախտանշանները հայտնվեցին շուրթերի վրա, երբ նա ընդամենը 14 տարեկան էր։  

Տեղացի բժիշկները չկարողացան ճշգրիտ ախտորոշում կատարել, սակայն ուռուցքը վերացնելու համար պետք էր արյան փոխներարկում կատարել։  Սակայն նրա մայրը, լինելով Եհովայի վկա, դրան կտրականապես դեմ էր, այդ իսկ պատճառով հիվանդությունը գնալով զարգացավ։ Արդյունքում Խոսեն ոչ միայն կորցրեց իր դեմքը որպես այդպիսին, այլև նրա մի աչքը դադարեց տեսնել, և ատամները թափվեցին։

Անցնելով մի շարք սարսափելի վիրահատությունների միջով՝ Խոսեն վեջապես դեմք ձեռք բերեց։ Եվ թեկուզ այն դժվար է գեղեցիկ անվանել, տղամարդը երջանիկ է։ Նա ինքն է գնումներ կատարում, հաճախ է հանդիպում ընկերների հետ, իսկ ամենակարևորը՝ վայելում է իր կյանքը։

2. Փղանման մարդը

Դեմքի վրա ուռուցքի ևս մեկ դեպք, այդ մարդու անունը Խուան Չունցայ է։ Նրա դեմքը կշռում է 20 կգ։ Նա տառապում է հիվանդության ծայրահեղ խորացմամբ, որը կոչվում է նեյրոֆիբրոմատոզ։ Չնայած նրան, որ այդ ժառանգական հիվանդությունը բավականին տարածված է, այն ունի մի քանի տեսակներ, այդ թվում՝ խիստ հազվադեպ։ Խուանի  դեպքը համարվում է ամենալուրջ և շատ ուշադրության արժանացածներից մեկը։

Խուանը կարողացավ վիրահատության դիմել միայն այն ժամանակ, երբ մեծացավ։ 2007թ. հուլիսին բժիշկները նրա ուռուցքից 15 կգ հեռացրեցին, իսկ 2008թ.՝ մոտ 5 կգ։ Դժբախտաբար, ուռուցքը կրկին մեծացավ։ Այդ իսկ պատճառով հինգ տարի անց՝ 2013թ., Խուանը ստիպված եղավ նորից վիրահատվել։ Եվ միայն սրանով չսահմանափակվեց. ըստ բժիշկների՝ «փղանման մարդու» բուժումը դեռ վերջնակետին չի հասել։ Խուանն ամենաքիչը երկու վիրահատություն ևս պետք է կատարի։

3. Փուչիկանման մարդը

Յուրատեսակ նեյրոֆիբրոմատոզով տառապում է նաև ինդոնեզիացի Չանդրա Ֆիշուն։ Մի ժամանակ Չանդրան հմայիչ երիտասարդ էր, սակայն առեղծվածային հիվանդությունը նրա կյանքը փոխեց։ Նա դիմեց ուր ասես՝ թե՛ բժիշկներին, թե՛ հեքիմի։ Հեքիմը կտրեց նրա ուռուցքի մի մասը և խորհուրդ տվեց այն բանանի ծառի տակ թաղել։ Սակայն դա էլ չօգնեց։ Բժիշկները նահանջեցին, հեքիմը՝ նույնպես։ Հիմա Չանդրան համարյա 60 տարեկան է, նրա հիվանդությունն անբուժելի է, և բացի այդ՝ այն փոխանցվել է իր երեխաներին. նրանց մարմնին նույնպես այտուցներ են առաջացել։ Թեպետ բժիշկները մխիթարում են՝ ասելով, որ պարտադիր չէ, որ նրանց հիվանդությունը Չանդրայի աստիճան զարգանա։

Այժմ Չանդրան գերադասում է ավելի շատ աշխատել, քան հայելու մեջ նայել։ «Երբ մարդիկ ինձ են նայում, ես ինքս ինձ ասում եմ՝ դա նրանից է, որ ես գեղեցիկ եմ»,-կատակում է Չանդրան։

4. Ծառանման մարդը

Ինդոնեզացի Դեդե Կոսվարան ամբողջ կյանքն առեղծվածային հիվանդությամբ է տառապում. նրա մարմնի վրա գոյացություններ են առաջանում, որոնք ծառի ճյուղերի են նման։ Ամեն տարի դրանք 5 սմ-ով աճում են և մի քանի տարվա ընթացքում հասել են 1 մետրի։ Եվ եթե վերոնշյալ հիվանդությունների դեպքերում բժիշկները կարողացել են գոնե մոտավոր ախտորոշում կատարել, ապա այս դեպքում նրանք թևաթափ են եղել։ Սա եզակի դեպք է, և հնարավոր է՝ միակը։ Ոչ մի բժշկական տեղեկատուի մեջ այս տեսակի հիվանդություն նշված չէ։

Այժմ հեռացրել են Դեդեի գոյացությունների մոտ 90%-ը, և նա վերջապես կարողացել է իր ձեռքերը տեսնել։ Ասում են՝ վիրահատություններից հետո նա կրկին կարողացավ գրիչը ձեռքն առնել և նույնիսկ տարվեց խաչբառներով, և բացի այդ՝ նա հույս ունի իր կյանքը կարգավորել։ Բժիշկներն ասում են, որ շատ հնարավոր է՝ գոյացությունները նորից առաջանան, այդ իսկ պատճառով Դեդեն ստիպված կլինի տարվա մեջ ամենաքիչը երկու անգամ վիրահատություն կատարել։

5. Մանկահասակ ծերերը

Այս մարդիկ մնացածներից 10 անգամ շուտ են ծերանում։ Նրանք տառապում են գենետիկական հազվադեպ հազվադեպ հիվանդությամբ՝ պրոգերիայով։ Այս հիվանդությունը նաև կոչվում է Հաստինգս-Գիլֆորդի համախտանիշ։ Աշխարհում գրանցվել է այսպիսի 80 դեպք։

Մանկական պրոգերիայով հիվանդ մարդկանց կյանքի միջին տևողությունը 13 տարի է։ Որոշները նույնիսկ մինչև 7 տարին չեն հասնում։ Այսպիսի հիվանդների կյանքի տևողության ռեկորդը 45 տարի է կազմում։

6. Աշխարհի ամենատգեղ կինը

Եթե Դուք դեռահաս աղջիկ եք, ում գլխում շարունակաբար այդպիսի մտքեր են առաջանում, ապա հանգստացեք՝ այդ տեղն արդեն զբաղեցված է։ Թերթերն ամերիկացի Լիզի Վելասկեսին ճանաչել են աշխարհի ամենատգեղ կինը։ Աղջիկը տառապում է հեմոռագիկ համախտանիշի հազվադեպ հիվանդությամբ։ Այսպիսի հիվանդների օրգանիզմը թույլ է և չի կարողանում վարակներից պաշտպանվել, և նրանցից շատերը վաղ տարիքում են մահանում։ Լիզին, իհարկե, գերազանցեց բոլորին, սակայն ապրելու համար նա պետք է ամեն 20 րոպեն հաց ուտի։ Բացի այդ՝ Լիզին երբեք 30 կգ-ից ավել չի կշռել։

7. Գայլանման մարդիկ

Այս հիվանդության մասին գրեթե բոլորը հիշում են, քանի որ այն նկարագրված է յուրաքանչյուր կենսաբանության դասագրքի մեջ։ Հիպերտրիխոզը կամ պարզապես ավելորդ մազածածկույթը գիտության մեջ վաղուց հայտնի երևույթ է։ Հիվանդությունը բնորոշվում է նրանով, որ մազերն աճում են մարմնի այն հատվածներում, որտեղ չպետք է աճեն։ Հիվանդությունը երկու սեռի դեպքում էլ նույն ձև է արտահայտվում։ Տարբերվում են ժառանգական և ձեռքբերովի հիպերտրիխոզ։ Երկրորդ տեսակը հնարավոր է բուժել, բացի այդ՝ այն ժառանգական հիպերտրիխոզի նման ահավոր չէ։ Ժառանգական հիպերտրիխոզն անբուժելի է։