Ադենում զենքի պահեստում տեղի ունեցած պայթյունի հետևանքով զոհվել է 9 մարդ
22:53 , 28 մարտ, 2015
1in.am-ը գրում է․
Ադենում (Եմեն) զենքի պահեստում տեղի ունեցած պայթյունի հետևանքով զոհվել է առնվազն 9 մարդ: Այս մասին հաղորդում է Agence France-Presse-ը:
«Մենք կարողացել ենք 9 ածխացած մարմին դուրս բերել»,- հայտարարել է պաշտոնյան: Նրա խոսքերով՝ պահեստի փլատակների տակ կարող են շատ ավելի զոհեր գտնվել:
Նշվում է, որ պայթյունների առաջին շարքից հետո պահեստ են վազել դիակապուտները, որոնք ևս կարող են հայտնվել զոհերի թվում:
