Apple-ը 3 նոր iPhone է պատրաստում

1in.am-ը գրում է.

Քչերն են կասկածում, որ եկող աշուն մեզ նորույթ է սպասվում Apple-ից՝ սմարթֆոն, որը, ամենայն հավանականությամբ, կանվանեն iPhone 6s: Սակայն DigiTimes պարբերականի աղբյուրները հայտնում են, որ այս տարի 3 նորույթ կլինի:

Ըստ աղբյուրների տեղեկությունների՝ բացի iPhone 6-ի և iPhone 6 Plus-ի հաջորդներից, Apple-ը պատրաստվում է թողարկել նաև նոր կոմպակտ մոդել` 4 դյույմ անկյունագծով էկրանով: Ենթադրաբար, այն կլինի պլաստիկե կորպուսով iPhone 5c-ի հաջորդը, որը ներկայացվել է iPhone 5s-ի հետ 2013-ին:

«Հասանելի» սարքը պլաստիկե կորպուս կունենա, թե` մետաղական, չի հաղորդվում: Փոխարենը՝ DigiTimes-ի աղբյուրներին հայտնի է, որ 6с-ի ներսում կլինի ներկայիս iPhone 6-ի պրոցեսորը՝ A8, իսկ 6s-ը և 6s Plus-ը կունենան նոր չիփ՝ A9: Առանց կոնտակտի վճարումների համար NFC աջակցություն, ինչպես նաև Touch ID մատնահետքերի սքաներ կունենան բոլոր 3 սարքերը: