Հղի կոլումբացին համացանցով վաճառքի է դրել ապագա երեխային
09:12 , 25 մարտ, 20151in.am-ը գրում է.
Կոլումբիայում հղի կինը համացանցում տեղադրել է հայտարարություն 80 հազար դոլարով իր ապագա երեխայի վաճառքի մասին։ Նրա խոսքով՝ ինքը չի կարողանում իրեն թույլ տալ պահել նույնիսկ արդեն ունեցած երեխաներին։
Կինը 27 տարեկան է, գտնվում է հղիության երկրորդ ամսում։ Այժմ նա գտնվում է սոցիալական ծառայությունների խնամքի տակ։
Նա արդեն 3 երեխա ունի։ ԶԼՄ-ների հաղորդմամբ՝ նրան աշխատանքից հեռացրել են այն պատճառով, որ կրկին հղիացել է։
Կոլումբիայի սոցիալական ծառայությունների ներկայացուցչի խոսքով՝ մի քանի մարդ հետաքրքրվել է հայտարարությամբ մինչ այն ջնջելը։