ԱՄՆ-ի Յուտայի նահանգում թույլատրել են մահապատիժն ի կատար ածել գնդակահարությամբ

Lurer.com–ը գրում է.

ԱՄՆ-ի Յուտայի նահանգում կվերականգնվի գնդակահարությամբ մահապատիժը: Այս եղանակը կթույլատրվի մահացու ներարկման համար անհրաժեշտ պատրաստուկների պակասի դեպքում: Ինչպես տեղեկացնում է «Արմենպրես»-ը՝ հղում անելով BBC-ին, նահանգապետ Գերի Հերբերտը մարտի 23-ին ստորագրել է համապատասխան օրենքը:

Այս քայլը Յուտան դարձրել է ԱՄՆ-ի միակ նահանգը, որտեղ թույլատրված է մահապատժի կատարման այս տեսակը:

Մահաբեր ներարկումների համար նյութերի պակաս է առաջացել, մասնավորապես, այն պատճառով, որ եվրոպացի արտադրողները հրաժարվում են պատրաստուկներ մատակարարել այդ նպատակի համար:

Իրավապաշտպանները դատապարտել են տեղական իշխանությունների որոշումը՝ գնդակահարությունը՝ որպես մահապատժի եղանակ, որակելով բարբարոսություն: