«Մաշան և արջերը» մուլտֆիլմն արժանացել է մանկական «Օսկար» մրցանակի

Tert.am–ը գրում է.

Ռուսաստանյան «Մաշան և արջը» արժանացել է մուլտիպլիկացիայի Kidscreen Awards մրցանակին, որը համարվում է Ամերիկյան կինոակադեմիայի «Օսկարի» մանկական անալոգը:

«Իզվեստիայի» փոխանցմամբ` մուլտֆիլմը հաղթել է Լավագույն անիմացիոն ֆիլմ` մուլտֆիլմ անվանակարգում: 

Հայտնի մուլտսերիալի պրոդյուսեր Դմիտրի Լովեյկոն ասել է, որ առաջին անգամ է, որ ռուսաստանյան մուլտֆիլմը նման միջազգային մեծարման է արժանանում:

Kidscreen Awards-ը կոմերցիոն անիմացիայի ոլորտի ամենահեղինակավոր մրցանակներից է, որը շնորհվում է «Հաղորդումներ մանուկների համար» և «Հեռարձակում երեխաների համար» անվանակարգերում: Այն անցկացվում է ամեն տարի՝ Մայամիում:

Մինչև օրս «Մաշան և արջը» YouTube-ում ունեցել է  2,5 մլրդ դիտում: