Իվանիշվիլին հեռուստահաղորդավար է դարձել
06:29 , 16 մարտ, 20151in.am–ը գրում է.
Վրաստանի նախկին վարչապետ Բիձինա Իվանիշվիլին հանդես է եկել որպես «20/30» վերլուծական հաղորդման հաղորդավար GDS հեռուստաընկերության եթերում. վերջինս պատկանում է նրա որդուն, հաղորդում է RIA Novosti-ն:
Իվանիշվիլին կարծում է, որ այսօր ծայրահեղ անհրաժեշտ է քաղաքական իրադարձությունների ամենօրյա օբյեկտիվ վերլուծություն, քանի որ խախտվել է տեղեկատվական հավասարակշռությունը Վրաստանի մեդիատարածքում:
Իվանիշվիլին ընդունել է, որ Վրաստանում տնտեսական բարդ վիճակ է ստեղծվել, սակայն ոչ մի աղետ և քաոս չկա, ինչպես փորձում են ներկայացնել վրացի որոշ փորձագետներ և հեռուստաալիքներ:
«Մենք կփորձենք օբյեկտիվ վերլուծության միջոցով բացատրել դա բնակչությանը»,- ասել է Իվանիշվիլին: