Վիեննացի բժիշկը բուժում է Պուտինին մեջքի ցավերից. ավստրիական ԶԼՄ-ներ
01:18 , 16 մարտ, 20151in.am–ը գրում է.
Ավստրիացի բժիշկը հատուկ Պուտինին օգնելու նպատակով ժամանել է Մոսկվա, հայտնում է Kurier am Sonntag-ը:
ՌԴ նախագահ Վլադիմիր Պուտինը տառապում է մեջքի ցավերից։ Նրան օգնություն ցույց տալու համար Մոսկվա է ժամանել ավստրիացի օրթոպեդ։
Ըստ թերթի՝ բժիշկը Վիեննայից եկել է Մոսկվա, որպեսզի օգնի նախագահին՝ ազատվելու մեջքի ցավերից։ Թե որն է տեղեկության աղբյուրը՝ թերթը չի նշում, ինչպես չի նշում նաև բժշկի ազգանունը։
Մարտի հինգից հետո ՌԴ նախագահը հրապարակային ելույթ չի ունեցել, այդ իսկ պատճառով էլ ԶԼՄ-ներում տեղեկություն է տարածվել նրա հնարավոր հիվանդության մասին։ Պուտինի մամուլի քարտուղար Դմիտրի Պեսկովը նախագահի «անհետացման» շուրջ աղմուկը համարում է «գարնանային սրացում»։