10 հիմար հարց, որ նյարդայնացնում են տղաներին

Աղջիկների հիմար հարցերը կարող են կործանել անգամ ամենաամուր հարաբերությունները: Կարդացեք այն 10 հարցերը, որոնցից անհրաժեշտ է խուսափել, եթե չեք ցանկանում, որպեսզի Ձեր սիրելին հոգնի Ձեզնից:

1. Գիրացե՞լ եմ: Տեսքս շա՞տ վատ է:

Արտաքինի հետ կապված հարցերը տղաներին տհաճ են կամ գոնե ձանձրալի: Երբեք չի կարելի քննադատել սեփական արտաքինը տղայի մոտ, չէ՞ որ նրանք ամեն ինչ բառացիորեն են ընկալում, և նա իսկապես կնկատի, որ ինչ-որ հարցում Դուք իդեալական չեք: Տղաներին գրավում է աղջիկների ինքնավստահությունը սեփական գեղեցկության մեջ: 

2. Ինչի՞ մասին ես մտածում հիմա:

Մարդիկ հաճախ չեն մտածում ինչ-որ կոնկրետ բանի մասին, այսինքն մտածում են ամեն ինչի և ոչնչի մասին, ուստի այդ հարցը կարող է նյարդայնացնել նրան:

3. Իսկ մենք քանի՞ երեխա ենք ունենալու:

Մի տվեք այս հարցը, եթե Ձեր հարաբերությունները գտնվում են դեռևս նախնական փուլում, կամ դեռ նշանակված չէ հարսանիքի օրը: Վայելեք Ձեր հարաբերությունները և մի շտապեք:

4. Դու ավելի շատ ի՞նձ ես սիրում, թե՞ մայրիկիդ:

Մոր և որդու հարաբերությունները լիովին տարբերվում են ձեր հարաբերություններից, ուստի այս անիմաստ հարցին պատասխանել անհնար է:

5. Դու ինձ իսկապե՞ս սիրում ես:

Պետք չի տղային ստիպել ամեն րոպե Ձեզ սեր խոստովանել, չէ՞ որ արարքները շատ ավելի խոսուն են:

6. Ե՞րբ ես ամուսնանալու ինձ հետ:

Պետք չի շտապեցնել տղային: Գուցե նա դեռ չի հասել իր նպատակներին, վստահ չէ Ձեր և իր վրա, պատրաստ չէ անցում կատարել նման լուրջ հարաբերությունների:

7. Նոր շրթներկս հավանո՞ւմ ես:

Կոսմետոլոգիայի նորություններից տղամարդիկ, որպես կանոն, գլուխ չեն հանում, ուստի անչափ նյարդայնանում են, երբ լսում են նման հարցեր:

8. Որքա՞ն շատ ես ինձ սիրում:

Իսկ մի՞թե սերը որևէ միավորով է չափվում:

9. Ինձ հետ դու քեզ լա՞վ ես զգում:

Եթե նա Ձեր կողքին է, նշանակում է, որ լավ է զգում: Եթե լավ չլիներ, կհեռանար: 

10. Ոչինչ չե՞ս նկատում:

Դա հատկապես կապված է մանրուքների հետ, օրինակ՝ նոր կոշիկներ կամ մատնահարդարում: Տղաներն այդքան էլ ուշադիր չեն նման մանրուքներում: