Նեմցովի սպանության վայրի մոտ գետում երկու ատրճանակ են գտել

Slaq.am-ը գրում է.

Մոսկվա գետի հատակին ոչ այդքան հեռու Մեծ Մոսկվորեցկի կամրջից, որտեղ սպանվել էր ռուս ընդդիմադիր գործիչ Բորիս Նեմցովը, ջրասուզները հայտնաբերել են երկու ատրճանակ,-հայտնել է իրավապահ մարմիններում առկա աղբյուրը: Փորձաքննությունը ցույց է տվել, որ դրանցից առաջինը Նեմցովի սպանության գործիք չէ, իսկ երկրորդի վերաբերյալ փորձաքննության արդյունքները դեռ պատրաստ չեն,-փոխանցում է REGNUM գործակալությունը:

Հիշեցնենք`Նեմցովը սպանվել էր փետրվարի 27-ի ուշ երեկոյան Մեծ Մոսկվորեցկի կամրջի վրա:

ՌԴ Քննչական Կոմիտեն հայտարարել էր Անզոր Գուբաշևի և Զաուր Դադաևի ձերբակալման մասին: Նրանք մեղադրվում են Նեմցովի սպանության կազմակերպման և կատարման մեջ: