«Գահերի խաղի» նկարահանումների ժամանակ հաջողվել է կանխել ահաբեկչությունը
04:25 , 13 մարտ, 20151in.am–ը գրում է.
Հյուսիսային Իռլանդիայի ոստիկանությունը կանխել է ահաբեկչությունը, որը չարագործները նախատեսել են իրականացնել հայտնի «Գահերի խաղը» սերիալի նկարահանման հրապարակում, հաղորդում է MIGNews-ը:
Նշվում է, որ միացյալ Իռլանդիային կողմ ծայրահեղական հանրապետականները նախատեսել էին պայթուցիկ սարք տեղադրել նկարահանման ստուդիայի ճաշարանի մոտ գտնվող աղբարկղերից մեկում:
Ենթադրյալ զոհերը կարող էին լինել հսկիչները, որոնցից շատերը ծառայել են բրիտանական բանակում և ոստիկանությունում:
Ահաբեկչությունն օգնել է կանխել ինֆորմատորը, ով կապվել է նախկին ոստիկանի հետ, վերջինս էլ` համապատասխան մարմինների:
Ահաբեկչությունը կանխվել է մի քանի ամիս առաջ, սակայն այդ մասին միայն այժմ է հայտնի դարձել: