Իրաքը 42 միլիոն դոլար կհատկացնի ականազերծման աշխատանքների համար
00:12 , 12 մարտ, 2015
Araratnews.am-ը գրում է․
Իրաքի իշխանությունները շուրւ 42 միլիոն դոլար են հատկացրել ականազերծման աշխատանքներ իրականացնելու համար: Այս մասին տեղեկացնում է Al Arabiya հեռուստաընկերությունը:
Նշված գումարն ուղղվելու է «Իսլամական պետություն» խմբավորման կողմից տեղադրված պայթուցիկ տարաբնույթ սարքերը չեզոքացնելու համար:
Իրաքի կառավարության որոշման համաձայն` այս գումարը տնօրինելու իրավունք է ստանում շրջակա միջավայրի անվտանգության հարցերով զբաղվող նախարարությունը: Ֆինանսական միջոցները տվյալ գերատեսչությանը կհատկացվեն արտահերթ կարգով:
Նախարարության տարածած հաղորդագրության մեջ նշվում է, որ ԻՊ կողմից տեղադրված պայթուցիկ սարքերը կարող են իսկական պատուհաս դառնալ ողջ երկրի համար եթե ժամանակին չչեզոքացվեն:
Նշենք, որ աղբյուրի ոչ պաշտոնական տվյալների համաձայն` երկրում կա ավելի քան 26 միլիոն ական, որը յուրաքանչյուր պահի կարող է պայթել: