ԵՄ-ն մտադիր է Ուկրաինային 110 մլն եվրո ծավալով ֆինօգնության նոր փաթեթ տրամադրել
03:57 , 10 մարտ, 2015
Tert.am–ը գրում է.
Եվրամիությունը մտադիր է այս տարի Ուկրաինային հատուկ ֆինօգնության նոր փաթեթ հատկացնել` 110 մլն եվրո ծավալով: Ինչպես փոխանցում է ТАСС-ը` այս մասին երկուշաբթի հայտնել է ընդլայնման հարցերով եվրահանձնակատար Յոհանես Հանը` ելույթ ունենալով Եվրախորհրդարանի` արտաքին հարցերով հանձնաժողովի լսումներում:
«Ինչպես 2013-ին նշվել էր` Ուկրաինայի փխրուն իրավիճակը թույլ չի տալիս երկարամյա օգնության ծրագիր ներկայացնել երկրի համար: Այդ իսկ պատճառով, օգտվելով այս հնարավորությունից` տեղեկացնում եմ, որ մենք մտադիր ենք կրկին ֆինօգնության սոցիալական ծրագիր իրականացնել` 110 մլն եվրո ծավալով», -աղբյուրը մեջբերում է Հանի խոսքը:
Վերջինիս խոսքով` միջոցների մեծ մասը` 95 մլն եվրոն, կհատկացվի մասնավոր հատվածի աջակցմանը, տնտեսության վերականգնմանը, բիզնես միջավայրի բարելավմանն ուղղված բարեփոխումներին: