Նյու Յորքի օդանավակայանում ինքնաթիռը վթարի է ենթարկվել

Araratnews.am-ը գրում է․

Նյու Յորքի` LaGuardia միջազգային օդանավակայանում տեղի է ունեցել արտակարգ պատահար: Այս մասին տեղեկացնում է Reuters գործակալությունը:

Պատահարի պատճառ է դարձել օդանավակայանի թռիչքուղին, որը  տեղացած ձյան պատճառով պատվել էր մերկասառույցով:

Վթարի ենթարկված ինքնաթիռը, որը տեղափոխում էր 135 ուղևորների, ժամանակում էր Անտլանտայից: Բարեբախտաբար, ոչ ոք լուրջ վնասվածքներ չի ստացել: Բոլորը դուրս են բերվել օդանավից փրկարարների օգնությամբ:

Արտակարգ պատահարից հետո օդանավակայանի աշխատաքները ժամանակավորապես դադարեցվել են:

Հիշեցնենք, որ օրեր առաջ նման իրավիճակ էր գրանցվել Փարիզի Օռլի օդանավակայանում Air Algeria ավիաընկերությանը պատկանող ինքնաթիռի հետ: