Լսեցի երիտասարդ ակտիվիստ Արտակ Խաչատրյանի առաջին հարցազրույցն առևանգման և ծեծի մանրամասների վերաբերյալ:
Դեպքի մանրամասները հիշելով՝ Արտակը պատմեց, թե ինչպես է ծեծված և ամբողջությամբ արյունոտված՝ փորձել տաքսի կանգնեցնել, և որևէ մեկը երկար ժամանակ չի կանգնել՝ տեսնելով նրա վիճակը:
Սա իրոք ցավալի դրվագ է, երբ նման վիճակում հայտնված քաղաքացուն հասարակ մեկ այլ քաղաքացի, տաքսու ղեկին նստած, ուղղակի անտեսել և չի ցանկացել օգնության ձեռք մեկնել: Սա էլ քաղաքական հարց չէ, սա էլ բարոյական խնդիր է, որը, իրոք, մտորումների տեղիք է տալիս: