Մեր բանակը Հայոց պետականության հիմնասյունն ու հպարտությունն է

Արցախյան ազատամարտի տարիներին կազմավորված կամավորական ջոկատների շնորհիվ Հայոց բանակի հիմքը դրվեց: Մեր սահմանների անվտանգության երաշխավորն այսօր պատասխանատվությամբ, պատվով ու հպարտությամբ է իրականացնում հայրենիքի պաշտպանությունը՝ թշնամուն բազմիցս ապացուցելով իր ուժը, հարկ եղած դեպքում նաև չեզոքացնելով հակառակորդի ագրեսիվ գործողությունները: 
Երիտասարդ ու մարտունակ մեր բանակը Հայոց պետականության հիմնասյունն ու հպարտությունն է: 
Շնորհավորում եմ ՀՀ Զինված ուժերի զինծառայողներին, ազատամարտի մասնակից մեր եղբայրներին, հայրենակիցներին՝ Հայոց բանակի օրվա առիթով, մաղթում նորանոր ձեռքբերումներ բանակաշինության գործում: