Դուբայը համացանցում քաղաքով ինտերակտիվ շրջագայություն է թողարկել
00:24 , 20 հունվար, 2015
1in.am-ը գրում է․
Դուբայով վիրտուալ ճանապարհորդությունը, որը ցույց է տալիս քաղաքը 360 աստիճանով, հասանելի է դարձել համացանցում:
Նոր Dubai360 անվանումով նախագիծը մշակվել է 18 ամիս շարունակ և իր մեջ ներառում է մոտ 1,3 հազար համայնապատկերային լուսանկարներ ու տեսանյութեր: Ինտերակտիվ շրջագայությունը հասանելի է բոլոր ցանկացողների համար: Բացի մշակութային տեսարժան վայրերից զբոսաշրջիկները կարող են ծանոթանալ քաղաքի հյուրանոցների, տրանսպորտային ենթակառույցների և օդանավակայանների հետ:
Ավելի քան 500 հազար լուսանկարներ են օգտագործվել քաղաքի պատկերի ստացման համար: Համայնապատկերն ինտերակտիվ է և թույլ է տալիս օգտատերերին ընտրել դիտման ֆունկցիաներից մեկը: