Ռուսաստանը չափազանց վտանգավոր խաղ է սկսել

Lragir.am-ը գրում է

Ռուսաստանը ներգրավվում է նոր խաղերի մեջ, փորձելով ավելի բարեկամական հարաբերություններ հաստատել Թուրքիայի ու Ադրբեջանի հետ, որոնք ցուցադրում են ժողովրդավարական որեւէ սկզբունքներից հեռացումը: Թուրքիան վստահ շարժվում է կրոնական ավտորիտարիզմի ճանապարհով եւ մի ողջ սերունդ հետ է մնացել Եվրոպական միության ներկայիս սկզբունքներից:

Ադրբեջանը շարժվում է Թուրքիայի հետեւից, առաջ քաշելով գոյության նման ձեւաչափեր ու մոդելներ, քանի որ Արեւմտյան հանրությանն ինտեգրումը նշանակում է իշխող ռեժիմի հեռացում:

Հայաստանը ձեւ է արել, որ ինչ որ բանով սկզբունքորեն տարբերվում է Ադրբեջանից, եւ պետք է ասել՝ դա ստացվել է:

Ֆինանսա-տնտեսական փլուզման պայմաններում Ռուսաստանը շարունակում է տարվել Վրաստանին ու Ադրբեջանին իր ազդեցության գոտի ներքաշելու գաղափարով: Դա շարունակվում է համակարգային ձեւով, հաշվի առնելով այդ երկրների վրա նոր ազդեցությունները:

Թուրքիան գործնականում դադարել է լինել ՆԱՏՕ-ի անդամ, եւ դա հաստատվելու է այս տարի: Այս հանգամանքը չի հանգեցնի տարածաշրջանային դաշինքի արագ ձեւավորմանը: Ռուսաստանը տասնամյակներ շարունակ սպասել է ԱՄՆ-ից Թուրքիայի կտրվելուն, զուգահեռ սպասում է, եւ ճիշտ է անում, ԱՄՆ-ից Ադրբեջանի կտրվելուն: Դա արդեն տեղի է ունեցել՝ նախ այդ երկրները հեռացել են ԱՄՆ-ից, ապա՝ Եվրոպայից, եւ այդ իրավիճակը շուտով հասկացել են ամերիկացիները, իսկ ավելի վաղ՝ բրիտանացիները, ովքեր շահագրգռված էին այդ իրավիճակի զարգացմամբ:

Ամերիկյան փորձագետները սկսել են ավելի հաճախ Թուրքիան համարել հակառակորդ, իսկ ավելի ճիշտ՝ դնում են հետեւյալ հարցը՝ ի՞նչ է ներկայում Թուրքիան ԱՄՆ-ի ու Եվրոպայի համար՝ հակառակորդ, թշնամի, թե՞ էլի ինչ որ բան: Անշուշտ, այս իրավիճակը զարգացում է ունենալու, քանի որ Թուրքիան ընդգծում է, որ ինքն Արեւմուտքի քաղաքակրթական հակառակորդն է: